客家情詩
| 客家情歌有它悠久的傳統。這個享有盛譽的民間藝術品種，在福建、廣東、江西及湖南，四川,廣西一部分地區,流傳極廣。客家情歌是中國南方藝術寶藏中的一顆碩大而珍貴的鑽石。深沉的情思大膽的披露，熱烈的追求，美好的想望，這一切都以勞動者的本色相見，毫無虛飾和矯情。而濃烈的泥土氣息，鮮艷的山區色彩和嫻熟的比興手段，構成了它突出的藝術特色。 茲列舉部分客家傳統情詩： １﹒山歌越唱越出來 山歌越唱越出來，好比青龍翻雲海；雲海翻騰龍張口，珍珠八寶吐出來。 山歌要唱琴要彈，人無二世在人間；人無二世在人間，花無百日紅在山。 日日唱歌潤歌喉，睡覺還靠歌墊頭；三餐還靠歌送飯，煩悶還靠歌解愁。 山歌唔唱忘記多，大路唔行草成窩；快刀唔磨會生鏽，胸膛唔挺背會駝。 ２﹒唱個情妹對情郎 客家山歌名聲揚，首首山歌情義長；句句唱出郎心事，字字唱出妹心腸。 客家山歌最出名，首首山歌有妹名；首首山歌有妹份，一首無妹唱唔成。 要我唱歌我就唱，唱個金雞對鳳凰；唱個麒麟對獅子，唱個情妹對情郎。 唱歌不是比聲音，總要唱來情義深；戀妹不是論人貌，總要兩人心貼心。 ３﹒莫作楊梅暗開花 妹的山歌是本情，哪有豆子不纏籐？潑水也有回頭浪，哪有情妹不戀人？ 新搭竹棚種苦瓜，苦瓜結籽在棚下；妹要戀郎快開口，莫作楊梅暗開花。 高山頂上種棵梅，樣得梅花開開來？樣得梅花結梅子，樣得阿妹金口開？ 一樹楊梅半樹紅，你做男人膽要雄；隻有男人先開口，女人開口臉會紅。 ４﹒妹若有情應一句 深山大樹好遮蔭，隻聽山歌唔見人；妹若有情應一句，省得阿哥滿嶺尋。 三月蒔田行對行，樣得六月早禾黃；樣得禾黃食飽飯，樣得同郎共谷倉。 因為想妹想得兇，想了一鼕又一鼕；食飯拿起單支筷，請妹送支配一雙。 山邊天上一朵雲，老妹的好真難尋；這個老妹戀得到，死到陰間會還魂。 ５﹒兩人交情莫透風 麻竹搭橋肚裡空，兩人交情莫透風；燕子銜泥口要緊，蜘蛛結網在肚中。 花生好食泥裡生，泥裡生根泥裡分；表面開花暗結籽，哥妹相戀莫揚聲。 圳裡流水溪裡來，兩人見到莫理睬；兩人見到目莫括，神仙下界也難猜。 順治相戀到康熙，戀到乾隆無人知；可恨上天落大雨，兩人共傘露天機。 ６﹒日落西山唔曉歸 月亮彎彎朦朦光，坐在半山等情郎；風吹竹葉皮皮動，又驚又喜又心慌。 八月十五賞月華，阿哥出餅妹出茶。阿哥好比深山長流水，妹妹好比深山嫩細茶。 想起戀郎好奔波，暗頭暗角坐得多；蚊子咬了唔敢打，跳蚤咬了唔敢摸。 二胡拉起和弔機，深山錦雞配畫眉；有情哥妹來相會，日落西山唔曉歸。 ７﹒畫妹容顏天天看 幾番上嶺唔見郎，急得阿妹亂忙忙；好比花針吞落肚，日刺心肝夜刺腸。 因為戀妹急到狂，看到山雞當鳳凰；石灰當做糯米屑，叔婆伯母笑斷腸！ 想郎想到頭暈暈，火煙上天作為雲。隔壁礱公作為雷公響，風吹門搭作為郎打門。 天上烏雲堆打堆，無陣大風吹唔開；阿哥心頭十八結，無我老妹解唔開。 |